NOVO HORARIO DE PRIMAVERA

Comunicamos a tódolos posibles usuarios que desexen visitar, por libre ou pola súa conta o Museo Etnolúdico de Galicia (MELGA) en Ponteceso, que o novo horario primaveral será o seguinte:

SÁBADOS: de 11:00 a 14:00 h. e de 17:00 a 19:00 h.
DOMINGOS: de 11:00 a 14:00 h.

LUNS a VENRES: Só acceso grupos con cita previa.

Para calquera dúbida ou para solicitar cita previa, por favor, póñase en contacto connosco nos teléfonos 981.71.54.42 ou 661.29.02.46.

¡Agardámolos!

O Museo Etnolúdico de Galicia

O Museo Etnolúdico de Galicia (MELGA) é unha institución museolóxica de carácter permanente que ten como misión fundamental a conservación, investigación e difusión do patrimonio cultural galego relacionado co xogo tradicional, co deporte tradicional e coa historia do xoguete. Nel tamén se mostran obxectos e pezas de grande interese, procedentes de España e de pobos e rexións da xeografía mundial.

O MELGA é un espazo de compromiso co pasado lúdico que serve de instrumento didáctico para as presentes e futuras xeracións, no que se organizan multitude de actividades e eventos anualmente.