Convención lúdica museística luso-galaica

Este fin de semana, con motivo do Día Mundial da Infancia,  a proposta e iniciativa do presidente da Fundación Ricardo Pérez e Verdes e Director do MELGA, desprazouse ao municipio de Vagos-Aveiro (Portugal) para realizar un intercambio de experiencias, entre os dous museos do norte de Portugal e o noso de Galicia.

Por parte do veciño país portugués, estiveron o anfitrión o Museu do Brincar (Vagos-Aveiro) inaugurado en 2012 e o Museu do Brinquedo Portugues (Ponte de Lima-Viana do Castelo) tamén no 2012 e por parte española-galega o Museo Etnolúdico de Galicia-MELGA (Ponteceso-A Coruña)no 2013. O museo de Vagos está situado nun Palacete do Visconde de Valdemouro do século XIX; o de Ponche de Lima está na Casa do Arnado, xunto á ponte romana, tamén do século XIX e o de Ponteceso está no edificio do século XX no Centro Cultural da vila. Os tres son  privados, o de Vagos é do matrimonio Ana Baros e Joaquim Carlos Rocha, o de Ponche de Lima é de Carlos Anjo e o de Ponteceso de Ricardo Pérez e Verdes. O único dos tres museos que ten unha Fundación é o MELGA de Ponteceso, os portugueses están a tentar ir por ese camiño dificultoso para eles, polas trabas e condicións que se lles esixen polas autoridades do país. En cambio, iso si, o seu apoio é integro e absoluto do municipio  cameral en Portugal con préstamo do edificio,  persoal do museo e económico, en cambio en Ponteceso só é en cesión por convenio do edificio. Os fondos museísticos están entre os 15.000 obxectos de Vagos, os 20.000 de Ponche de Lima e as 14.000 pezas de Ponteceso.

Foi un gran intento de poñerse en comunicación entre museos cun mesmo fin fundamental como é o entretemento, o divertimento, o tempo de lecer, as manualidades, as práxicas, os talleres, teatro, danza, exposicións temporais, festivais, etc… para todas as idades, así como a función instructiva, educativa , pedagóxica e sobre todo sempre a parte lúdica. Tres museos con diferentes puntos de vista na súa pretensión expositiva, distributiva, económica e institucional.

O museo de Vagos a súa función primordial é o divertimento (prioritariamente os nenos/as e menos os maiores, aínda que dispoñen visitas para adultos), o museo de Ponte de Lima a súa función é a exposición de xoguetes industriais do século XIX e XX, cuxa marca empresarial é a portuguesa (para todas as idades) e o de Ponteceso o seu labor é a historia do xogo e o deporte a través dos tempos  e o xogo e o deporte tradicional ou popular (todos os niveis de visitantes).

En canto á duración das visitas vai entre os 30 minutos(Ponte de Lima), á hora e media (Vagos) e as tres horas (Ponteceso). A sesión práctica interactiva só en Vagos e Ponteceso, en cambio en Ponte de Lima non existe devandito apartado. Pola súa capacidade está entre os 350 metros cadrados o de Vagos, 500 en Ponche de Lima e aproximadamente uns 1000 metros cadrados no de Ponteceso. En ambos os museos portugueses só se permiten a entrada a grupos entre 20-25 persoas e o pontecesán varían entre os 15 e as 60 persoas ao mesmo tempo. As entradas para as visitas, todos prezos simbólicos,  están entre os 3,00 € por persoa en Portugal e  os 1,50 a 2,00 € en Ponteceso. Os visitantes, logrados ata a data, dende a súa inauguración, están entre os 15.000 de Ponteceso, os 25.000 de Ponche de Lima e os 60.000 de Vagos. A diferenza entre as tres poboacións, estriba en que, as portuguesas  son pobos eminentemente turísticos, son cidades históricas, teñen un ano máis de apertura, pero as tres teñen como único activo máis destacado o museo.

Unha reunión moi frutífera, informativa, de intercambio de experiencias, novidades, discusións e opinións sobre temas relacionadas á cuestións sobre convenios, cesións, doazóns, intercambios de materiais, exposicións temporais, reunións futuras, exposicións colectivas entre ambos os museos, festivais galaico-portugueses, etc.  Un fin de semana moi ben aproveitado, fusionando ideas e pareces dun mundo que tanto nos apaixona ás direccións dos devanditos museos.  Estamos seguros, que deste encontro museístico, sairá un gran acontecemento lúdico e un referente universal para todos os museos do mundo.