O ANPA da Escoa Unitaria Caamaño de Porto do Son recala no Melga para realizar unha visita guiada

Un grupo de preto de unha trintena de persoas do ANPA da Escola Unitaria Caamaño de Porto do Son (A Coruña), realizaron unha convivencia educo-interxeracional para visitar o MELGA de Ponteceso, este domingo día 18 de novembro do presente ano 2018, en xornada matinal. Era a primeira vez que nos visitaban, xa que por varias circunstancias non puideran achegarse, pero o estaban a desexando, pois as referencias que dispoñían do recinto museístico, eran en grao sumo satisfactorias. A colectividade viña dirixida e coordinada pola presidenta da Asociación de Pais e Nais do centro escolar Laura Gutierrez.

Tanto pais, nais, fillos e fillas durante máis de dúas horas e media, escoitaron as explicacións do guía do museo así como participaron en todo momento das prácticas dos diferentes xogos tradicionais propostos. Un grupo moi novo, moi participativo e entusiasta que gozaron “como nenos” con toda a familia nun día de convivencia lúdica no museo de Ponteceso, segundo os seus comentarios.

Finalizada a visita guiada, o director convidou a todo o grupo a visitar as exposicións de “O peón nas Belas Artes” e “Peonzas do mundo”, onde se lles expuxo as peonzas, trompos, perinolas e perindolas máis orixinais da mostra, así como a maneira de facelas virar. Por suposto, tanto os maiores como os nenos atopáronse asombrados coas demostracións realizadas

A presidenta da asociación, comunicou á dirección do centro, que pronto volverían de novo, pois moitos dos que non puideron achegarse neste día, por problemas diversos, transmitíranlle que se propuxese outra data para visitarnos.