Familias polacas en Galicia coñecen o Melga de Ponteceso

Despois dun percorrido matinal polas diferentes contornas da Costa da Morte e aproveitar o gran día amencido para xantar no Piñeiral de Balarés, sobre as 16,30 h. da tarde, a Asociación Cultural Polonia en Galicia. Escola Polaca en Galicia, situada en Santiago de Compostela, visitaron o Museo Etnolúdico de Galicia ( MELGA) preto de sesenta persoas que compoñían o grupo, nunha pinza de idades desde os 6 meses aos 45 anos aproximadamente.

Cun gran ambiente festivo, como a ocasión requiría, percorreron as dúas salas do museo con moita atención e chegado o momento dos xogos tradicionais doutros países, o guía faloulles daqueles máis representativos do seu Polonia natal, cuestión que lles resultou moi emocionante e abrigo nostálxico.

Aínda que viñan con pouco tempo despois dunha mañá esgotadora, a visita guiada excedeu as dúas horas de duración. Non faltaron “píques” entre pais, nais e nenos e nenas senón tamén entre os adultos para comprobar quen era os máis habilidoso do grupo. Como sempre, o director do museo Ricardo Pérez y Verdes, tamén retou algúns dos presentes nalgún dos xogos tradicionais galegos, abrigo naqueles xogos tipolóxicos de forza, habilidade e precisión.

Segundo a coordinadora do grupo Lida Anna Wudarczyk, comentábanos que debido a moitas ausencias dos seus asociados, solicitaron nova visita guiada para todos aqueles ausentes e sen dúbida, para moitos dos presentes que desexaban regresar ao MELGA para repetir a experiencia tan extraordinaria que pasaran e gozaran na devandita xornada lúdico-cultural.