O Melga en Pontedeume no VIII Encontro de Clásicas Leboreira “A ruta de polbo en bicicleta clásica”

Onte domingo día 11 de xuño,  o MELGA, desprazouse con 10 compoñentes de “cicloclásicos”, á mariñeira vila de Pontedeume-Ferrol para participar coas súas bicis antigas, no VIII Encontro de Clásicas Leboreira “A ruta do Polbo en bicicleta clásica”. Os representantes pontecesáns foron convidados á devandita xornada lúdica (como intercambio do ano anterior á IV Ruta de Bicicletas Clásicas-Ponteceso, levada a cabo no mes de setiembre, con motivo das  Festas da Barquiña),  pola “Pena Ciclista Leboreira” de Pontedeume.  Antes do inicio da ruta, inaugurouse cun centenar de bicicletas clásicas unha Exposición na Casa da Cultura, ademais dunha colección de carteis e fotografías  publicitarias antigas, así como unha colección de bombines, luces de carburo, sillines, freos, lamias, timbres, etc… material necesario para a reparación de dicha “xoias” rodantes. Como novidade da exposición, presentouse dúas reproducións de bicicletas, unha en madeira un celerífero de 1790 e un velocípedo de 1817 de ferro.  Sobre as 11,00 da mañá, saíuse da Casa da Cultura, paseando por todas as rúas centrais da vila e visitar o torreón dos Andrade, os ruteros encamiñaron as costas empinadas do pobo, o paseo marítimo da praia de Cabanas, para dirixirse ao pequeno e fermosa aldeíña de Redes (Ares) onde alí, á beira dos cantiis, degustouse unha enorme e sabrosa “pulpada”, acompañada con produtos da terra como a empnada, o queixo do país e regado todo iso, con viños cultivados por algúns dos alí presentes. Despois de case tres horas de convivencia, a trintena de ciclistas que compoñían o grupo, coas súas bicis cuxa antigüidade estaba entre os anos 20 aos anos 50, regresaron cara a Centroña (Pontedeume), para recuperar as forzas queimadas,  nun restaurante, degustando unha comida  opípara, onde non faltaron os callos, a carne asada, queixo de tetilla e o “café de pota”.

Finalmente a todos os participantes, fíxoselles entrega, por parte do presidente da Pena Leboreira, Daniel Cendán ”alma pater” dos devanditos encontros de bicis clásicas, dun recordo do devandito día, consistente nun colgante de madeira de boj cun gravado a lume dun velocípedo. Como anécdota destacamos que a persoa con maior idade, foi o noso director do MELGA Ricardo Pérez e Verdes con 74 anos e o de menor idade, un neno de 9 anos José Vidal. Aínda que por momentos do percorrido calou un pequeno “orballo”, a sesión foi magnífica, tanto co tempo nubrado ideal para os ciclistas, como pola  organización do evento e sen dúbida, pola gran cantidade de espectadores que cos seus cámaras e aplausos durante o traxecto, fixeron do percorrido fora moito máis ameno e gratificante.