Español
Na mañá de onte luns 09 do presente mes de decembro, un grupo escolar numeroso, máis de setenta persoas, do CEIP. Ramón Otero Pedrayo da Laracha, acompañados das súas profesoras-titoras Silvia González, Jenifer Gutierrez, Vanes Casado e Paula Blanco como coordinadora, visitáronnos por segundo ano consecutivo, por estas mesmas datas, o Museo Etnolúdico de Galicia ( MELGA).
Os alumnos e alumnas do centro docente correspondían aos tres grupos (1ºA-1 B e 1º C), en idades de 6 anos, do ciclo de primeiro de primaria infantil. Algúns dos discentes repetían “encantados” a visita guiada, pois o ano anterior a experiencia gustáralles moito.
A visita tivo unha duración de mais de tres horas (cun intermedio de descanso para recuperar forzas), polas salas expositivas do museo, atendendo as explicacións que alí se transmitían e practicando con todos os xogos seleccionados. Tentáronse bater algúns das marcas establecidas nos diferentes xogos, pero foi imposible baternos, aínda que o empeño foi grande pola súa banda.
O campión da visita foi o neno de 6 anos Rubén Ordoñez, que levou o agasallo da colección de peonzas, buxainas, perinolas e perindolas, que a dirección do museo ten por costume entregar, e que moitos desexaban levar, aínda que non fosen os vencedores.
Leave A Comment