VII Asemblea do Observatorio do Patrimonio Lúdico Gallego en Muimenta – Cospeito (Lugo)

Asociación de Xogos e Deportes Tradicionais de Muimenta-Meira (Lugo) ( XOTRAMU), tivo a ben convidar o Museo Etnolúdico de Galicia ( MELGA), do mesmo xeito que a outras entidades de Galicia, a diversas actividades, no marco incomparable do Campo da Igrexa Vella do municipio, aproveitando outro ano mais a Festa dos Xogos Tradicionais.

Pola mañá sobre as 11,30 h., deu comezo no Museo dos Zoccos, con todos os seus membros afiliados, a VII Asemblea do Observatorio do Patrimonio Lúdico Gallego. Participaron na mesma, entidades das catro provincias galegas como Asociacións e Agrupacións ( chave, birlos, billarda,…), museos ( MELGA-Ponteceso, Argalladas-Lourenzá,…) fundacións (Ricardo Pérez e Verdes), Federacións ( Brinquedia, Galega de Deportes Autóctonos,…), universidades (A Coruña, Santiago, Lugo,…), artesáns (Lugo, A Coruña, Pontevedra, Ourense), e algún centro escolar.

Continuando os pasos da última asemblea sobre os temas tratados, nesta ocasión baseouse a mesma, en dous temas fundamentais: o próximo Festival de Xogos e Deportes nos diferentes Camiños de Peregrinación a Santiago de Compostela, no ano 22, con motivo do Ano Xacobeo, aprazado pola pandemia este ano. Baralláronse as posibles sedes dos diferentes camiños e en total quedarían unhas vinte cidades que gozarían dese gran Festival. Nunha próxima reunión extraordinaria dar definitivamente as localidades premiadas para iso. O segundo tema correspondeu á toma de novo aos Cursos de Formación de profesores, monitores e voluntarios, abandonados hai algúns anos, para desenvolver todas as accións posibles en ambos os temas, tan importantes como extraordinarios.

Despois do debate da reunión, case tres horas intensas, que mellor que para repoñer as forzas, o concello de Cospeito (Lugo), ofreceu aos asemblearios un xantar campestre típico no campo da igrexa, non faltando as “ delicatesen” típicas embazadas, os lacones asados, as tortillas, os chourizos, os queixos, bolos preñados, tortas de mazá, etc… e sempre regados ditos viandas, cun bo viño do país. Tamén participaron desta comida, todas aquelas persoas do pobo que desexasen saborear os exquisitos manxares da terra. Un domingo matinal en Muimenta-Cospeito (Lugo), cun tempo estival, traballo intenso, comida campestre e un marco incomparable. Pódese pedir algo mais!